نفس الرووتين

المواطن الييبى كل يوم نفس الرووتين
اتنوض الصبح فطوور تحي وهريسة الغدى مكرونى مبكبكا العشي فصوليا مافيش شى جديد
تمشى تعكس فى الشارع تلقى جارتك فاتحة عليك عشرين عالة وهى تقطع فيك (هذا شنى دار هذا شنى يخدم) الغاز كملوه الا هما, تمشى البحر تلقى ولد شارعكم لاحقك ,,,,,,,,, ولد شارعنا ..كان ديرت سلاطة تلقى ايده غاطسة هى الاولى, بالله قولو وين بنمشى , والله كان المريخ قريب راهو الواحد مشى حتى مافيش مايه انشدوها على الاكسجين ,
وخلاص معاش نبوا مصاروه معاش نبوا التوانسه نبوا البحر نبوا هولندا نبوا اسبانيا نبوا ايطاليا حتى الباكستان عادى المهم تونس لا
اصحووو يا ليبين وانتم كل يوم مسلسلات تركيا لميس ويحى ونور ومهند بالله الاتراك ليهم 400سنة محتلينكم شنى داروو , تى بروو فجرو خطوو لوح بالكدب حتى ايجبوكم فى الجزيزة وانتم ديما راقدين
اصحوو خير ماتلقوا روحكم فى البحر مع القرش كل مرة اينقص واحد

ههههههههههههه
قولي انت من وين شكلك مش ليبي
منور يانسشكا تحتوحي

بالشوية بالشوية يا نيسكا تحتوحي علاش هدا كله

بعدين يا غالي لولا المسلسلات التركية راهو الشعب الليبي قعد جاهل لمعنى الرومنسية

و اللهي كان انت ولاد شارعكم دراه و لصقه هده بشطارتك تحلها يا فالح

المهم من الاخير اسبانيا وايطاليا ما في حد شادك عليهم وتي فلوسك و جوازك و شد

الطريق

بالنسبه ليا واخدته بالجو انا توا في بريطانيا و نستنى غير امتى بنروح لي ليبيا

ووووه عليا حقه ما قتلكش على مسلسل ميرنا و خليل شني هدا حاجه مش للضي بكل وعلى

قصته و هيى و ياه ووووه وووه حاجه بالفعل رووووووعة و تخلي الوحدة تقول يا

ريت الشباب الليبين كلهم زي مهند و خليل لكن الحمد لله على كل حال راضيين باللي عندنا

وكان في حد بنقز في البحر فهم صدقني بنات ليبيا ااااااااااخ

نيسكا تحتوحي ما تزعلش مني لكن انت ابصر كيف كلامك ههههه

المهم

تقبل مروري

صار يا سنفورة مغير المسلسلات التركيا راهو الشعب الليبى معرفيش معنى الرومانسية
وانتى لو تعرفى اللبيبين كويس راهو ممصمتى فمك بالزهر قبل ماتقولى جهلة وكان معندكش علم اللبيبين مدرسة للرومنسية هذى وحدة
وانى ولاد شارعى مش قصدى لصقة يا فالحة وعلى قلبى هما زى العسل يا واقى منهم بس
وانى ماقلتيش نبى نمشى لاسبانيا و ايطاليا قلت نبى اسبانيا اتجى لليبيا معاش نبى تونس هذا قصدى يا فاااااااالحة وانتى كان تبى اتوصلى انك فى بريطانيا راهو وصلت وخلاص
وتعالى جاى شنى عجبيك فى مهند او انه غاش فى جو الحب ولا شنى وتعالى شوف الراجل الليبى الراجل الحزااار مش مهند وخليل متعك وانى منشهبهش بنات ليبيا ب لميس يا فالحة والله بنات ليبيا زى الورد امااا لميس ولا نور و الله بنات جوود ومفروض متتكلميش على الاتراك بكل يا مهند وابصر منى
وصار كلامى ابصر كيف سلامك عسل والله
بالله سلاميلى على برطانيا يا ............سنفورة النيسكا

شكراا على المشاركة الطيبة انشوفوك فى ليبيا المنوعة
معليشى راهو خديت على المنتدى هلبا
واسمعى متحطى شى فى دماغك مجرد حوار واعتبرينى زى خوك وسلميلى على صاحبتيك و خطيبها

امالا خلاص توا ومعليشى لو كان فى سوه تفاهم
باهى شنوو رايك نحتلواا المنتدى ههههههههه

ليبين هيكي طبعهم لا يمكن يغيروه
على عموم شكرااااااا
يا تحتوح