سنفورة النيسكا نيسكا نشيط
الإقـامـة : بريطانيا
الجنس :
عدد المشاركات : 84
نقاط التميز : 5597
العمر : 33
المزاج : cooooooool
| موضوع: لما وجعني قلبي 12/7/2009, 8:39 pm | |
| خواطري و كلماتي يهمني رايكم هلبه
عندي كلام حيل انقوله لايمه على أحبابي و شكيتلهم اللي يدور في بالي و عشقتي و هبالي***
قالولي صغيره واهمه بمشاعر مرهفه لمراهقه ما يدروا بيا ولا بالنار اللي واقده فيا تراني بالعقل كبيره يا غاليين عليا و من الحب جربت اللي لتوا يكوي فيا***
صعب عليا بعد فراق العزيز عليا نشكي همي يطلع عقلي اللي يشور عليا و يقول إن قلبي ما ينفع بيا رافعني لطريق واعره عليا لا يرضى بيها لا البو و لا الخو و لا صغار العم جمليه على حق و ما يوم غدر بيا***
ترى لومي لوم محبه ما هو بلوم عدوه لجدار الحب تريد إتهده ترى اللي كنت خايفه منه أمس اليوم بان حقه***
عيي عقلي يشور عليا انتي تعرفي اكثر من اللي ايديري فيه لكن قلبي غالب الله يسامح اللي لقلبي كان سالب***
نبي انقول و إنوضح تراني واعيه و ماني للجهل نتصنع واعيه و كبيره و كوم الورق بقلمي نشكيله راني عايشه في عالم متكون من أغرب تشكيله***
ترى قلمي ماهو بغريب عن كتابة الخواطر لكن غريب عن كتابتها و الدمع من العين يتقاطر انقولها كفي الدمع يا عين اتقولي بحرقه وولع دام نبكي و ما تشوف فيا عين لاهو حرام و لاهو عيب***
نتعجب يا خوي لما يجيك العمر بحاجات تخليك تنادي يا بوي نا عمري 18نشكي همي بقلم ندعي انه قلم كُتّاب لكن يعلم الله إن قلم الألم ما يوم نام ومن شكى همه للورق قدر و ينام***
اسمعوا كلامي و أفهموا مسعاي ترى ما يشكي فراق مشكاي ترى يشكي هم الإنسان اللي شافه و قاعد يستناه صحيح حسافه على حبيب ادوره و ما تلقاه***
غريبه الدنيا ترفعك تجيبك تعطيك و تاخد منك تراني قريب إنصدق دكرى يوم قالت يوم ليك و يوم عليك***
أفهموني و ديروا من كلامي منهاج تراه من قول صادق مو كداب انا واعيه و لأمور ديني داريه و لربي انكون هاديه***
شكيت للقمر لين فد مني حتى الليل في صفي ما قابلني ليكون مل مني طول الليل و نا نشكي همي على وحدتي و جمعه مع رفاقتي متمني صبا عني الكلام تم و طلع من فمي و إيدي ماهي بأمري***
سبحان الله، الفكر و لمن اعطاه، الإنسان ما حمد ربه على شئ كان الأعمى يقول يا ريتني إنشوف و يوم شاف ما عجبه اللي شافه و تمنى يولي لفراشه***
لوعة حب ، حرقة دم ، شوق ام ، و محنة اب ، دلع حبيبه ، وغلا رفيق لرفيقه كلااااااااام فااااااااضي يوماللي اندور فيه أحبابي ما نلقى غير قلمي و كتابي***
يوم السماء إتغيم إنقول يا سماء غيمتي عليا ليش(إنحس في كلامها ليا) ما تبي إتكلمني(انا فاهمتها هي)صعب عليا لكن نرجاها لين اتحن عليا اتقولي باهي تبيتعرفي سبب تغيمي نبي المطر تنزل عليك تغسل همك و فيه تنسيك آه آه آه آه حنيت عليا علامه شافت من دمع عينيا ما سدني فراق بلادي العزيزة عليا يجيني يوم نطلع ما نلقى من يصبح عليا***
قاعد ظنكم فيا "مراهقه" و مشاعري "مرهفه" ترى كلامي عبره و يبي بس اللي يدركه وصيتوني نقرا كلامكم في العقل رسى بره إطمنوا راني ليبيه ونقرا البره و ما يرضيني كلام على بلادي خاطي المدح يطلع بالمره***
نتمنى بكلامي تعرفوا مقداري حتى صغيره و طايشه و للحياه ماني عايشه لكن تراني فاهمه و للي يضرني ماني ماشيه***
نختم كلامي لكل الغوالي بأحلى ما طرأ على بالي وإنقول مادام غالي يبقى كلامك دوم عالي و بردكم ترى يحلى موالي | |
|
عاشق نادي القرن نجم النيسكا
الإقـامـة : منتديات قروب النيسكا
الجنس :
عدد المشاركات : 144
نقاط التميز : 5584
العمر : 35
المزاج : مثقف
| موضوع: رد: لما وجعني قلبي 27/7/2009, 1:02 pm | |
| منوره يا سنفوره علي الكلام الطيب مزيدا من التقدم | |
|
اتحادي موت
الادارة
الإقـامـة : اكيد في قلب نادي الاتحاد
الجنس :
عدد المشاركات : 971
نقاط التميز : 6878
العمر : 34
المزاج : ماتفهمو شي
| موضوع: رد: لما وجعني قلبي 28/7/2009, 11:29 am | |
| مشكورة اختي علي الكلام الرائع تقبلي مروري | |
|
شدى العفاف نيسكا فعال
الجنس :
عدد المشاركات : 164
نقاط التميز : 5708
| موضوع: رد: لما وجعني قلبي 24/12/2009, 4:10 pm | |
| مشكورة أختي سنفورة على الخاطرة الجميلة تقبلي مروري | |
|