ـــــــــــــــــــــــــــــ
ملى قدك خود القلب والروح كان إتسدك
من يسواك ماحد عايش فى الحياة لولاك
إنت ونس للروح ويت تراك تطلب عيونى ليك كيف إنردك
_________________
كان فاض بيك الشوق_ورقّت مع طول البعاد اعزامك
طيفي عليك ايتوق_غمض عيونك يرتسم قدامك
فالحال يمسحلك مدامع سالت
وتزهر ورود الصوب بعد اذبالت
ويزرع البسمة في دروب ايامك
_________________
وين ياونسها وين
لك وقت غايب عنها
تنشد عليك العين
عن حالتك طمنها
ابعثلها مرسال
فيك تنتظر مازال
ومازال طيفك والغلا ساكنها
_________________
مانقدروها غيبتك
ياصاحبي لكن احكام وصارت
يللي بعد تغريبتك
لوتندري هالعين ياما دارت
ولوتندري هالشوق وين حذفنا
ولوتندري مالوقت ياما شفنا
تواريت والفرحة معاك توارت
_______________
ابعث مرسالك والله توق
معاه انروق
يبرد في نيران الشوق
_________________
يابعيد علينا . كل يوم طيفك فالمنام يجينا_ماغبت عنّا
مايوم عنّا غبت . حتى وانت متباعد وماقرّبت
في غيبتك طيفك النا عقبت . كل يوم ياغايب يونس فينا
_________________
ماهن رفاقـه ديمـا قليـل ويـن تجمعهـن طريـق سقيمـه
لــــقــــســـــام والــــــغـــــــلا
قليـل زهاهـن وقليـل ويـن فـي ساعـة صفـا تلقاهـن
مـكـثــور وقـتـهــن متـخـالـفـات خـطـاهــن
مــزاعـــلات لاضــحــكــه ولاتـسـلـيـمــه
_______________
جاهم النوم وناموا . اللي واخدين العقل مايلتاموا. أعزاز رقدوا
_________________
هات الحطب وأحرقني . الموت عندي خير ماتفارقني .
وأنا مسامحك
_________________
ان جيت ايجوها-غوالي علي غفلات ويوعوها-يانوم في عيني
_________________
من قالها من قالها
تنسى العين دلالها
نا زاد مانخليها
تنساك ياغاليها
والله مانابالها
_________________
عزيز مخالف ان والفت يجفا وان جفيت يوالف امعايا فالغلا خيره _________________
نسهى ونقسى إندير روحي ناسي نلقاك وسط النبض وبين انفاسي
_________________
لكم مخلوق ..... وعندى معاكم فالحنان عروق ..... تقول من ربى _________________
_________________
فيه من ايحسك كيف ماأنت تحسه
وفيه من يزيدك علي الغصايص غصة
فيه من يزيد اوجاعك
وفيه اللي في الموج هو مركبك وشراعك
وقت الشرق تلقاه شاد دراعك أن ضاقت عليك يجيك ما يتوصى
وفيه من يحفر دوم تحت كراعك يحساب ماتعلمش قاطع حسه
هداك بيعه لايقولوا باعك ماعاد يلزم من عروقه قص
_________________
اصحاب العـازة .. عليهم انصلي في صلاة جنـازة
ونقول يربحـواصحاب الهدا .... ما يجيك منهم غير مرض الفدا
احسبهم أموات وفوتهم لابدا .... وفعل الخطا والصح ما يتوازا
وقداش من رفيق يهون دون المدة .... والقلب عمره ما يخون عزازه
الا القلب يا صاحب ملاته غُدا.... تكسر غلاهم راح كي القزازا
_____________
مااتحس نار البعد لين اتجرب .. تاريتنى مالى اعزوم عليها
غير كيف وامتى ياعزيز اتقرب .. تنشد عيك العين بيش اتجيها
تصدق اقوال عربنا عرفنا بعد جربنا ..النار ماتحرق الا واطيها
_________________
كان لرض ماشالاتك .. نشيلوك بين اهذوبنا
انكان لرض ماشالاتك .. نحطوك وسط اقلوبنا
انت عندنا بالدنيا .. نوودوك عنية قنيا
ماتهون يامحبوبنا
_________________
جفا وانسينا .. رخا حبلنا وقتا عليه اعبينا ... دار الخطأ قصر جفا وانسينا
_________________
راه الفرج اقريّب . بيد خالقك واللى خلق مايسيب
ماتحزنى .
ـــــــــــــــــــــــــــــــــــــــــــــــ
قاسى يا فزاع منامى يا دمار اقصور احلامى يا مداد جسور ضلامى يا جباد المنجل الحامى يا كواى العقل
الضامى يا بياع رخيص اسوامى يا براك اجمال قسامى يا جفال اطيور حمامى جرحك واصل مخ عظامى
2/11/2011, 3:23 pm من طرف تحتوح كبير
اليومية
