السلام عليكم ورحمة الله وبركاته
[السلام عليكم ورحمة الله وبركاته
حتكلم معاكم في موضوع المعاكسات
بجد الموضع قوي وبقي سخيف جدا والكارثه ان ممكن تلاقي الولد من كتر المعاكسات اتبرمج ولو شاف اخته في الشارع بتتعاكس ممكن يعجبه التعليق اللي اتقال ويستخدمه علي فكره لو تعرفوا ياشباب البنات بتقول ايه علي الشاب اللي بيعاكس حتزعلوا جدا اراء البنات بتكون علي الشاب انه هايف جدا وتافه قوي وساعات بنبصلهم بنظره احتقار انه عيب علي طولك تبقي عايش في سن المراهقه
وبعض الشباب بقي بيحب يعيش دور الروشنه ولبسه بيموت من الضحك وشعره عجيب ويقول نكت بايخه جدا او يعمل حركه هبله عشان يلفت النظر بجد منتهي المعيله بنحس ان الشاب عايز يحس انه بقي راجل وبيعرف يعاكس البنات ومنهم اسفه علي اللفظ يعنى الشباب بيحب يضحكك علي البنات وفي البيت عقده النقص بتطلع علي اخواته بلاش اللبس ده انا عارفه الولاد بيفكروا ازاي وطبعا هو خايف من نتيجه تصرفاته وبجد ليه تحط نفسك في موقف بايخ ممكن بنت تهزبك او تتطاول عليك وانت اللي ادتها الفرصه بجد اللي بيعاكس في نظرنا شاب فاقد احترامه واسفين جدا منعدم الكرامه لان لو كان عنده كرامه كان خاف عليها وحافظ علي تصرفاه
ان ربنا نعم عليه نعمة البصر فلا تستخدم في شيء حقير جدا ومش خايف ان ربنا يزيل عنه النعمه في ثانيه
ياريت الموضوع يعجب الشباب ويستفيدوا من كلامى ومن الردود التي تنقال ومحدش يزعل من كلامى ومشاركة البنات برضة تهمنى جد
على فكرة مانقدرش انكر ان البنات ليها دور جامد فى الموضوع . لانى بجد ساعات بلاقى بنات لبسها مستفذ جدا غير طريقتها فى الكلام او المشية
ربنا يهدينا جميعا بس والله احنا لو فهمنا المعنى اكيد هنبطل نعمل اى حاجة تغضب ربنا
لو فكرنا لحظة ان ربنا شايفنا اكيد هنستحى اننا نعمل اى حاجة تخلى ربنا يغضب مننا
كلامى مش بس للشباب ولكن للبنات ايضا
تعالوا بينا نعامل ربنا صح على نعدى ونوصل بر الامان (الجنة)
ربنا اغفر لنا ذنوبنا وكفر عنا سيئاتنا وتوفنا مسلمين يا أرحم الراحمين