القو نضرة اخواني الي ماسات اخوانا في فليسطين

السلام عليكم
كلنا طبعا عارفين اللى بيحصل لاهلنا فى غزة على وجه الخصوص من جراء الحصار المفروض عليهم ..وكلنا طبعا متعاطفين معاهم ...بس للاسف التعاطف لوحده مش كفاية ..على فكرة التعاطف دى كلمة جديدة تضاف الى قاموس نشجب وندين ونستنكر ....والكلام الفارغ اللى كلنا عارفينه

الكلام اللى هقوله ده مش كلامى دا كلام سمعته من داعية وقلت لازم انشره
الشيخ قال اننا جميعا هنسأل عن اهلنا فى غزة ماذا قدمنا لهم
طبعا السؤال اللى هيتبادر الى ذهن الجميع .....وطب واحنا فى ايدنا ايه نعمله ؟

الشيخ لخص بايجاز دور كل واحد فينا نحو اهل غزة ...

اول واجب.........................الدعاء
افتكر كلنا ممكن ندعى بس المهم الدعا ما يكنش من على طرف لسانك ولا تخليص ضمير.. لا يكون طالع من قلبك.......العبرة بالاخلاص

ثانى واجب......................التبرع
باللى تقدر عليه من مال او ملابس ....اسال ودور على الناس اللى ممكن توصل الحاجة دى

ثالث واجب .....................انك تكون دايما على علم باخبارهم وتعرف اهلك واخواتك واصحابك واولادك باللى بيحصل هناك ( من لم يهتم بأمر المسلمين فليس منهم )

اعتقد انه واجب بسيط ممكن كلنا نعمله وربنا ينصرهم ويثبتهم

حاجة كمان عايز اضيفها... الشيخ ضرب امثلة بتوضح اللى بيحصل فى غزة انا حابب اقولها علشان كلنا بس يبقى عندنا فكرة بسيطة عن اللى بيحصل هناك بسبب الحصار بس

تخيل ان ابنك دخل غرفة العمليات يعمل عملية ممكن تتوقف عليها حياته او زوجتك فى المستشفى بتولد وفجأة الكهربة قطعت...ممكن تعمل ايه.............اهى غزة عايشة من غير كهربا

هل تتخيل انك ممكن تنام فى البرد القارص ده من غير غطاء .....معظم اهل غزة بينامو من غير غطا

ياريت اللى يقدر على حاجة من اللى الشيخ قالهم دول يعملها وياريت ما حدش يستهتر باى واحدة منهم ويقول هو الدعا هيعمل ايه .....من عارف ( رب اشعس اغبر لو اقسم على الله لأبره )